الخلد لك

قصيدة لمن تعتذر .. محمد سعيد

قصيدة لمن تعتذر ..  محمد سعيد

أيا قاتلاً محترف

أيا منحرف .

أيا فاسداً عديم الشرف

أيا من لكل الجرائم إقترف

ومنا ومن شهداءنا سخر ... لمن تعتذر ؟

ـــــــــــــــــــــــــــــــــــ

أيا من تجسد فيه الغرور

ولؤم الذئاب وصمم الصخور

وحق دم الشهيد المراق ..  سأفقا عيناي كي لا أراك

فسحقا لعينٍ تراك وعين أخيها فراغاً وبور

وسحقاً لروحٍ تعيش وتحيا وروح أخيها تطوف القبور

وسحقاً لوجهك وجهاً عكِر .. لمن تعتذر ؟

ــــــــــــــــــــــــــــــــــــــــــــــ

ومن قد يقول بأن نسمعك

أمازلت تهذي .. ألا زال عقلك قد يخدعك ؟

وماذا فعلت وكنا معكـ ؟

ذبّحت فينا .. كأنا خرافاً .. كأنا بقر

لمن تعتذر ..؟

ـــــــــــــــــــــــــــــــــــــــــــ

أيا طاعنا وكهلا خرف  ..

أيا من أضاعك طول الترف ..

ألا تعترف ؟

ــــــــــــــــــــــــ

أياكـاذبا سفيها فجر ..

علي من تؤلف فيلما قذر ؟

عم قد تمر علي الأغبياء .. ولكن لدون عبيد الغباء 

لمن تعتذر ؟

ــــــــــــــــــــــــــــــــــــــــــــــ

لمن مات جهلا ومرضا وجوعا؟

لوطنٍ تهاوي هزيلا صريعا؟

لشعب عظيمٍ تمنيت ذله .. ولله ولىّ بذلٍ وصلى ..

وكـذبوا علبه وقالوا كـفر ..؟  لمن تعتذر ..؟
ـــــــــــــــــــــــــــــــــــــــــــــــ

لمن مات حرقاً ..؟  لمن مات غرقاً ..؟  لمن مات قهراً وذلاً وسلاً ..؟

لمن مات عجزاً ..؟  لمن مات سجناً ..؟  لمن مات سحقاً وهرساً وعجناً ..؟

لمن مات خوفاَ ..فزادك موته تيهاً وسرفّاً ؟

لمن عذبوه ..؟  ومن أرعبوه ..؟  فزادك ذلّـه فخراً وشرفاً ..
لمن بالقبور يعيشون كـرهاً .. ؟  لمن بالقمامة يأكـل ويسكـن ...؟
لمن عاش عارٍ  لمن بالعراء يكـفن ويدفن ؟

ـــــــــــــــــــــــــــــــــــــــــــــ

أيا من تباهي بكبحي وذبحي ..

أيا من سرقت سنيني وصبحي

أمن شذّ فينا .. وعذبت فينا .. وبالإغتصاب تلذذت فينا 

أياإبليس اللعين القذر

لمن تعتذر ؟

ـــــــــــــــــــــــــــــــــــــــــــــ

لشعب جريح ..؟

ووطن كسيح ..؟

رجوناك دوما بشعر عفيف .. ودوما رددت  بسب صريح

رجوناك ترحمَ ذلّ الضعيف  .. فيسكنه بطشك بطن الضريح

أيا أيها العجوز السخيف ..

أيا أيها المستبد الضعيف ..لدينا جروحاً ..  تعاني النزيف ..وقلب علي الشهداء انكسر ..
 فيكفيك زيف .. ولا تعتذر؟ لمن تعتذر؟

ـــــــــــــــــــــــــــــــــــــــــــــ

شعر محمد سعيد Mohamed Saeed

https://www.facebook.com/mohamed.baioumy

هنـا القـاهـره .. عمـركشي ..!

هنا القاهره ..

عمركشي شفت ثورة تقوم ما تحكمشي ؟

عمركشي شفت مدرعة فوق الجثث تمشي ؟

عمركشي شفت بلاد حلها ان الشعوب تمشي ؟

هنا القاهره ..

 ....

عمركشي شفت حد بيولع فبيته ويقولنا الحقوني البيت ولع ؟

عمركشي شفت عشرين ضرس بيطلعوا لما واحد يتخلع ؟

عايز تشوف الملحدين والمؤمنين بيعانوا من نفس الوجع ؟

هنا القاهرة ..

 ....

عمركشي شفت شهيد بيتحاكم ؟

عمركشي شفت الغنم بيبايعوا ديب حاكم ؟

عايز تثور فتموت وتموت فتتحاكم ؟

هنا القاهرة ..

 ....

عمركشي شفتش وطن فيه الشهيد بيساوي قرش ؟

عمركشي شفتش بلد طول عمرها حكامها طرش ؟

عمركشي شفت شطان بيحكم ؟ والملايكه ممدده ع البورش؟

هنا القاهرة ..

عرمكشي شفت ..؟

ــــــــــــــــــــــــــــــــــــــــــــــــــــ

محمد سعيد Mohamed Saeed

https://twitter.com/#!/Mohamed_Saeed82

https://www.facebook.com/mohamed.baioumy/posts/339536312757689

فَيَكْـفِيْـنِي رِضَـا رَبِّـي

                 

                 

        لِأن أَحْـيَا بِحُـضَّن كَـرَامَتِـي .. وَأْطـعـَم ُ مَـرَّة ً بِـالْيَـوْمْ 

             وَآَكُـل مِـن بَقَـايَـا الْخُـبْز .. وَأَكْـمَل وَجْـبَتَـي بِـالْنَّـوْمْ          

              وَلَا أَمَـدِّدَهَـا صَـاغِـرَةً .. و أَشْـحَذ مِـن كِـبَـار الْقَـوْمْ

    فَـإِن كَـان الْطَّعَـام نَعِيْـم .. فَيَكْـفِيْـنِي رِضَـا رَبِّـي وَأَجْـر الْصَّـوْمْ

ــــــــــــــــــــــــــــــــــــــــــــــــــــ                                               

        هذا أنا .. محمد سعيد 

      شعر .. محمد سعيد

قصيدة ياآيها العسكر ..

ياآيها العسكر ...    إحذر ...

 وبحب مصر لا تسكر ..

ولا تقل لي انا الاصغر

فحتى ولو ..

إن الصغير دوما يحب أمه اكثر

.....

ومن الحب ما قتل .. ولكن ..

من قد تسول له نفسه

ومن الصغار قد يسخر

.....

فلا تخيرني رجاءاً ..

فلأجل  مصر بكل الآخرين أكفر

.....

تحوطني ذراعك وأنا أكره تلك العاده

 فك ذراعك وإلا أيها الساده جميعا بلا استثناء نخسر ..

.....

فكم من صابر قد مل

وكم من صائم قد أفطر

.....

ولو استهنتم بالغضب .. سيحل

ومهما اهملت الصغار تكبر

.....

فنصيحتي

لا تلعبن بنار لفحها يحرق

فاللفح إن يحرق قالنار حتما أخطر

فالنار لا تحمي معاقرها

والنار لن تحرق لو ثارت الأبحر

.....

وحينها تهزم ..

وحينها تندم ..

وسيندم القاتل .. وسيندم الفاجر ..

وسيصبح الخاسر من الكلاب أحقر

فاحذر ...

ــــــــــــــــــــــــــــــــــــــــــــــــــــــ

محمد سعيد   ...   Mohamed Saeed

ــــــــــــــــــــــــــــــــــــــــــــــــــــــ

فيس بوك ..  https://www.facebook.com/mohamed.baioumy

تويتر ..  https://twitter.com/#!/Mohamed_Saeed82

قصيدة الثورة فين ؟ شعر محمد سعيد

قصيدة الثورة فين  ؟

ــــــــــــــــــــــــــــــــــــــــــــــــــــــــــــــــــــــــــــــــ

صـباح نضـيف يـامـعـلمـين .. صبـاح شـريف .. سـؤال خـفيف ..الثورة  فيـن ؟

ــــــــــــــــــــــــــــــــ

الثورة فين ؟

الثـورة قـامـت إمـتى طيـب حـد فـاكر ؟  يـوم التـلات ؟

طـب حـد فـاكـر إسـم حد اتصاب ولسـه عـايش أو حـتى مـات ؟

طب حد عارف أد إيه اللي اتعموا ؟  طب حـد فـاكر اسم واحده من اللي ماتوا من البنات  ؟

طب حد فاكر الغـاز والعـياط ؟ 

طـب حـد فـاكر نـومنـا قـدام المجمع ع البـلاط ؟

حد فاكر اللي ماتوا في الانفلات ؟

طـب حـد فـاكر أي حـاجه مـن اللي فـات ؟

حد عارف هم ودوا  الثورة فين ؟؟

لو سمـحت الثـورة فيـن ؟

الثـورة ويـاك يـابن عمي ؟

عندك يابويا ؟  عندك ياأمي ؟

معـاك يـاكـابتن ؟   كـانـت هنا مشـفتهـاش ؟   شبـهنا ولابسه زيـنا ملمـحتهـاش ؟

الثورة  اهي ؟

 أيـوه صح الثورة اهي  ..

بس لابسه الميـري ليـه ؟ !

هي لابسـه الميـري ليـه ؟ !

 الثـورة لابسـه الميـري ليـه ؟!

قطعـولهـا لبسـها ولبسـوها الميـري ليـه ؟ !

ـــــــــــــــــــــــــــــــــــــــــــــــــــــــــ

هم العسكر خطفوا الثوره ؟.. ولا يكونشي الثورة دي عوره ومخبيها الشيخ أباري ؟

ولا يكونشي الشيخ أباري هو وشلة جيش النورة .. متفقين يتقاسموا فداري ؟

ولا يكونش كمان الثورة تبع التجنيد الإجباري ؟

ــــــــــــــــــــــــــــــــــــــــــــــــــــــــــ

في حد يإتمن العساكر ؟ طب  يابني ذاكر ..

ماقالولنا ثورة وبردوا ركبوها  العساكر

 والعساكر لما مات العسكري بردوا ركبوها العساكر

 والعساكر لما قتلوا العسكري وسط العساكر بردوا ركبوها العساكر

واللي فاكر ان ثورة مصر قامت فانتهي حكم العساكر مش مذاااااااااااااااكر

والعيب لا علي العساكر.. ولا ع اللي بيعبدوهم .. ولا ع اللي مغيبين ..

العيب عليكي .. العيب عليكي  ياثورة المؤدبين

وبتسألوني الثورة فين ؟

ــــــــــــــــــــ
لم تدرج في التسجيل

الثورة كانت في الميدان زي النهاردة ..
وانطفت لما جه الغربان ولما النسر عدى ..
ضحك علينا النسر وقال ...... هيحمينا ..
 غلابة احنا وسلمناله ونسينا ..  
ومتنا احنا .. ولسه الدم فإدينا ..
و النسر والغربان خانونا وقاموا بالثورة المضادة ؟
وبتسألوني الثورة فين ؟

ـــــــــــــــــــــــــــــــــــــــــــــــــــــــــ

الثـورة فجيـوب العسـاكر .. ولا عزاء للكـتيـانيـن ؟ 

الثورة فإدين اللي بيبيحوا الدياثة .. وبيقولوا دين ؟

الثورة ناسها متمرمغين في الطين ..

الثورة قاطفين وردها

الثورة هاتكين عرضها

الثورة إحنا معاها والعساكر ضدها

الثورة لو بتحبها .. رجعها من إيد الغجر والسفاحين ..

الثورة فين ؟

ـــــــــــــــــــــــــــــــــــــــــ

الثـورة قام بيها الشباب الطيبين ؟

وحصـد كراسـيها  اللي كـانوا منفـضين ومأنتـخين ؟

واللي ماشيين بالجـذم جوه روسنا من سنين ؟

..............

أغـبيا والغـبا ..عنـد بعـض النـاس هـواية ومـوهبة

حطوا روسهم بين سنان العقربة

وبالأماني بيحلموا وبالأمل مستنيين ..

متغيبين مش طيبين متغيبين

................
لم يدرج في التسجيل

متعلموش ومحرموش من العساكر !   وعمالين يهلفطوا ويكفروا ويهلوسوا

تقـولهم أنا اخوكو  ... دول طول حياتهم بيبعوكوا ..  ولا حـد فـاكر  .. طب البسوا

تقولهم العسكري عنده خازوق بيأنتكه ويهندسه ..

 يغضبوا ويكفرونا يقولولنا عيب بس اخرسوا ..

 العسكري يارب ربنا يحرسه .. 

 طب مرتاحين ؟!!!!!

 أهو نصنا قاطع وبيموت في الميدان .. ونصنا في البرلمان .. نواب ورق  واتقرطسوا !

يلا البسوا ومتسألوش الثورة فين ..

ــــــــــــــــــــــــــــــــــــــــــــــــــــــــــــ

آه  يـابلد تـدي الفـرص لحورتجي

آه يابلد فيكي الشـهيد بقـه بلـطجي

والسفيه عامل مناضل ثورجي

واالثورجي بيقولوا عنه مستفيد وأونطجي

وبيحكمك حبـة عجـايز عيـانين

جاوبيني قولي الثـورة فيـن ؟

ـــــــــــــــــــ

أه  يابلد عاشقة اللي داسك

اه يابلد ملعوب فجدرك وفأساسك  ..

ناسيه اللي كان بيموت ووطي علي أرضك وباسـك ؟! 

بتبعينا ؟!

بتبعينا وتحضـني فــكـلاب ياطيبه بيقتلونا .. ياطيبه دول أخرهم يبقوا دواسه  لمداسك ؟

 احنا حراسك ياطيبه احنا ناسك

ناسيه خالد ؟  ناسيه مينا ؟  ناسيه بسيوني وبنونه ومصطفي وسالي وحسين ؟

  إخييي ياطيبه

طب فاكره مين ؟

ياطيبة قولي الثورة فين ؟

ـــــــــــــــــــــــــــــــــــــــــــــــــــ

ياعالم هو ذمب اني بالحرية بحلم ؟  هو ذمب لما ادافع عن كرامتي ؟

ذمب اقول للي حاكم أرضنا .. مش هنقبل فينا تظلم ؟

ذمب أقول للي هاتك عرضنا  .. إنت مجرم .. ؟

هي ناس بتموت .. وناس   تحكم ؟

هي ناس  تتعمي  .. وناس بالعمي تتحكم ؟

و ناس بالدم تتغطى    وناس بالدم تتوضي .. ؟!

وناس للقبلة بتصلي .. وناس للمجلسين تحرم ؟!

وناس بتموت عشان غيرها  ..  وناس كسلانه تترحم ؟!

يارب ياللي من العباد أحكم .. أحكم ..

يارب اخوبا مات .. واخوبا التاني بيقولي ياكافر ياللي مش مسلم !

واختي عراها اليهود .. اختي عراها الجنود .. واخويا فعرضها اتكلم  ..

واخويا بيتعمي وبيشوف  ..

واخونا بيرتعش م الخوف شايفنا وشايف الظالم لكنه كفيف

اخويا اعمي وكمان ابكم

ـــــــــــــــــــــــــــــــــــــــــــــــــ

اه يابلد فيكي الشهيد مجرم 

أقولك نفسنا نجيلك ..  اجيلك الاقي بيني وبينك عسكري محرم !

نثور ماسكين قناديلك .. نجيب أحلامنا ونجيلك .. وفرقابنا بنحنيلك .. وبردوا قفانا يتعلم!

بسيطة هثور تاني وهتعلم

 وهربط جرحي واتألم بسيطة

 هثور تاني واموت تاني  وهفرد روحي ليكي طريق وعضمي مرتبة وسلم بسيطة

هلم فجوفي احباطي هقطع كل ابياتي وهكتب ليكي شعر جديد بدمي ياطيبه ع الحيطه بسيطة

هكمل .. ولو إيدي فرجليا وفرقبتي بألف كلبش مربووطة بسيطة

هكمل .. ولو أعمى ولو محبوس .. ولو هتدوسني كل مدرعات إبليس .. تدوس

ولو فوق راسي ألف سلاح.. ولو كل اللي فيكي رخيص ..

ولو مفضلش غير انتي وسجانك وكل خسيس ..وانا لوحدي .. هكمل ..ولو وحدي هكمل

اتعمي اتصاب اموت .. وتفضلي علي راسي محطوطة بسيطة

وبعد ما اموت أمانة يامصرتتعافي .. وشوفي النور علي اكتافي ..

وفوقي  ياطيبه الطيبه بلاش طيبه  العساكر زي الديابة حويطة

وقولي للعبيد تخرس .. ولولادك تقوم تحرس .. وطول ما فيكي المخلصين

هتبقي عارفة الثورة فين ..

ــــــــــــــــــــــــــــــــــــــــــــــــ